الــــمــــيـــــمــة

الـــمٌِــــيـــــمَــــة




ــالميمة يا الوليد

كيف نهار العيد

دراري فرحانين وكلشي جديد

بعينيها كتقرب البعيد

وتخلي اللي كيعاني ديما سعيد




عيونها عيون الكمرة

وسالفها سالف مريم العذرة

وخدودها خدود مراكش الحمرة




مي صفية... لا... مي هنية

سمية واش من سمية

تشوف الهلال تكول هي





هي شجرة الخير والخمير

هي اللي عطات الصغير ولكبير

هي اللي كدعي معاك ديما بتيسير

ميمتي وميمتك قليل فحقها هاد التعبير






هي معاي في منامي وفياقي

هي هواي وحماقي

هي اللي كتفتح قلوب الناس ووثاقي

هي وردة قلبي والساقي

هي الـــــــمــــــيـــمــــة اللي فعماقي